ΑΠΟΚΡΥΦΟΥ ΕΥΑΓΓΕΛΙΟΥ ΠΕΡΙΚΟΠΑΙ

JORGE LUIS BORGES

ΑΠΟΚΡΥΦΟΥ ΕΥΑΓΓΕΛΙΟΥ ΠΕΡΙΚΟΠΑΙ

3. Δυστυχείς οι πτωχοί τω πνεύματι, ότι υπό την γην έσται ό,τι νυν επί της γης εστιν.
4. Δυστυχείς οι θρηνούντες, ότι κύριοι ήδη εισίν του τού θρηνείν έθους.
5. Μακάριοι οι ειδότες, ότι η οδύνη ουκ έστιν της δόξης στέμμα.

6. Ουκ εξαρκεί συγκαταριθμείσθαι τινά τοις εσχάτοις τού έσεσθαι πρώτον.
7. Μακάριος ο ουκ εμμένωντο δίκαιον έχειν, ότι ουδείς έχει τούτο ή άπαντες έχουσι.
8. Μακάριοι οι τους ετέρους συγχωρούντες ως εαυτούς.

9. Ευλογημένοι οι ειρηνοποιοί, ότι αυτοί την διχόνοιαν ου δουλεύουσι.
10. Ευλογημένοι οι δικαιοσύνην μη πεινώντες, ως ειδότες αυτοί ότι η μοίρα ημών, εναντία ή ευσεβής, έργον της τύχης εστίν, ταύτης ούσης αδιανοήτου.

11. Ευλογημένοι οι ελεήμονες, ότι η αυτών ευτυχία εν τη του ελέους ενασκήσει εστίν, ουχί δε επ’ ανταποδόσεως ελπίδι.
12. Ευλογημένοι οι καθαροί τη καρδία, ότι αυτοί τον Θεόν ορώσι.

13. Ευλογημένοι οι της δικαιοσύνης χάριν διωκώμενοι, ότι αυτοί την δικαιοσύνην μάλλον περί πολλού ή την ανθρωπείαν αυτών μοίραν έχουσι.

14. Ουδείς εστί το άλας της γης· ουδείς μέν, αλλ’ άπαντες εν τινι του αυτών βίου σταδίω το της γης άλας εγένοντο.

15. Άφετε λαμπτήρος φως, ει και ουδείς τούτο ορά. Θεός ορά και όψεται..
16. Ουκ έστιν εντολή ποτέ απαραβίαστος: ταύτα α εγώ νυν λέγω ομοίως και τοις υπό των προφητών ειρηκόσι υμίν.

17. Ο δια δικαιοσύνην φονεύσας, ή εξ αιτίας ορμηθείς ην ούτος δικαίαν έκρινεν ούσαν, ένοχος ούκ έστι.
18. Ταις των ανθρώπων πράξεσιν ούτε το πυρ το εξώτερον ούτε οι ουρανοί εμπρέπουσι.

19. Τον σον εχθρόν ου μισήσεις, ότι τούτου ένεκεν συ έσει οπωσδήποτε δούλος αυτού. Το σον μίσος ουκ έσται της σης ειρήνης βέλτιον.
20. Ει εισφέροι σε εις πειρασμόν η δεξιά σου, συγχώρησιν δοίης αν· σύ ει το σον σώμα και η ση ψυχή, δυσχερές δ’ έστιν, αν μη αδύνατον, το τα τούτων όρια χαράσσειν.

24. Μη την της αληθείας λατρείαν υπερβάλλετε: ουκ έστιν άνθρωπος όστις εν μια και μόνη ημέρα ουκ εψεύσατο πολλάκις του δικαίου χάριν.
25. Μη ορκίζεσθε· έμφασις απλώς ο πας όρκος.

26. Τω κακώ αντίστηθι, άνευ φόβου όμως, και άνευ πάθους και οργής. Τω ραπίσαντι την σην δεξιάν παρειάν, στρέψον και την ευώνυμον, εάν μη ο φόβος της προσφοράς ταύτης το αίτιον η.
27. Εγώ ούτε περί εκδικήσεως ούτε περί συγγνώμης λαώ: η λήθη εστί η μόνη εκδίκησις και η συγγνώμη η μόνη.

28. Το μεν τον σον εχθρόν ευεργετείν έστιν ίσως δικαιοσύνης πράξις, ευχερής δε μάλιστα· το δε αυτόν αγαπάν των αγγέλων εστί πράξις, ου των ανθρώπων.
29. Το τον σον εχθρόν ευεργετείν η ασφαλεστάτη έστιν οδός τού την σην ματαιότητα ευδαιμόνως δουλεύειν.

30. Φεύγε την επί γης του χρυσού σώρευσιν, ότι ο χρυσός της σχόλης γεννήτωρ τυγχάνει, αύτη δε της θλίψεως και της ανίας μήτηρ.
31. Κατά νουν έχε ότι οι άλλοι δίκαιοι εισίν ή έσονται· ει δε μη, το σφάλμα ουκ εκ των σων.

32. Γενναιοφρονέστερος ων ο Θεός των ανθρώπων, εξελέγξει και μετρήσει αυτούς άλλως και διαφόρως.
33. Δότε τα άγια τοις κυσί, ρίψατε τους μαργαρίτας τοις χοίροις· η δόσις έχει την ουσίαν.
34. Ζήτει την της ζητήσεως αγαλλίασιν, ουχί την της ανευρέσεως.

39. Η πύλη εκλέγει, ουχί ο άνθρωπος.
40. Μη κρίνε το μεν δένδρον εκ των καρπών αυτού, τον δε άνθρωπον εκ των έργων αυτού. Βελτίω ή και χείρω ηδύναντο αν είναι ταύτα.
41. Ουκ οικοδομείται τι επί της πέτρας, άπαντα δε επί της άμμου οικοδομούνται· αλλ’ αποστολή ημετέρα εστί οικοδομείν επί της άμμου ως εάν επί της πέτρας...

47. Μακάριοι οι πένητες άνευ πικρίας, οι δε πλούσιοι άνευ ύβρεως και αλαζονείας.
48. Μακάριοι οι γενναίοι, οι αποδεχόμενοι θάρρει ήττας εξ ίσου και δάφνας.

49. Μακάριοι οι αναμιμνησκόμενοι τα του Ουεργίλιου ή του Ιησού Χριστού ρήματα, ότι ταύτα πάντα τας ημέρας αυτών φωτίζουσι.
50. Μακάριοι οι ερώντες και οι ερώμενοι και οι την αγάπην υπερβαίνοντες.
51. Μακάριοι οι μακάριοι.

Μετάφραση: Γιώργος Κεντρωτής.