ΤΡΑΓΟΥΔΑΕΙ Ο ΡΟΜΠΕΡΤΟ ΜΟΥΡΟΛΟ

Ανάρτησή μου στο γιουτιούμπ

ΤΡΑΓΟΥΔΑΕΙ Ο ROBERTO MUROLO: E STELLE 'E NAPULE 

ΤΡΑΓΟΥΔΑΕΙ Ο ΡΟΜΠΕΡΤΟ ΜΟΥΡΟΛΟ

Ανάρτησή μου στο γιουτιούμπ

ΤΡΑΓΟΥΔΑΕΙ Ο ROBERTO MUROLO

TARANTELLA LUCIANA

Ma chest' evera 'e mare
comm'addora stasera!
Tutto munno mme pare
cchiu' schietto
e cchiu' allero,
nun saccio 'o ppecche'...
Viene 'a cca', Luciana...
Tu, che ancora 'a spadella,
puorte dinte capille,
si' 'a femmena bella
ca i' voglio vede'...
'Sta tarantella
napulitana,
'nziem'a te Luciana,
ca si' guappa e si' bella,
cu li ttammorre,
cu 'e ccastagnelle,
sott'a ll'uocchie d'e stelle
stu core, ch'abballa,
vulesse abballa'!

Aggio fatto nu pigno,
ma cu gusto e piacere:
si stasera mme 'ngigno,
mm'aspetta ll'onore
ch'abballe cu me...
Mm'appresento cu'o tubbo,
cu 'o cazone a campana,
cu 'o rilorgio e 'a catena
ma tu, Luciana,
mm'hi 'a fa' cumpari'...
'Sta tarantella
napulitana,
'nziem'a te Luciana,
ca si' guappa e si' bella,
cu li ttammorre,
cu 'e ccastagnelle,
sott'a ll'uocchie d'e stelle
stu core, ch'abballa,
vulesse abballa'!

Nun sentite 'a campana?!...
Ne!...Menatela 'a rezza!
E, pa gente luntana,
ca voca e sollazza,
vulite prija'?!...
Ma chi e' chisto ch'abballa:
"Tarante'...Tarantella?"
Ride, Napule bella,
ca e' Pulecenella
ca torna, e sta cca'!
'Sta tarantella
napulitana,
'nziem'a te Luciana,
ca si' guappa e si' bella,
cu li ttammorre,
cu 'e ccastagnelle,
sott'a ll'uocchie d'e stelle
stu core, ch'abballa,
vulesse abballa'!

Στίχοι: Libero Bovio.

Μουσική: Enrico Cannio.

Τραγούδι του 1913.

ΤΡΑΓΟΥΔΑΕΙ Ο ΡΟΜΠΕΡΤΟ ΜΟΥΡΟΛΟ

Ανάρτησή μου στο γιουτιούμπ

ΤΡΑΓΟΥΔΑΕΙ Ο ROBERTO MUROLO

TE VOGLIO BENE ASSAJE

Pecché quanno me vide

te 'ngrife comm' a ggatto?
nenne' che t'haggio fatto
ca nun me puo' vvede'?
Io t'haggio amato tanto
e t'amo e tu lo saie:
Io te voglio bbene assaie
e tu nun pienze a mme.

La notte tutte dormono
ma io che vvuo' dormire
penzanno a nnenna mia
me sento ascemuli'
li quarte d'ora sonano
a uno, a ddoie, a ttre:
Io te voglio bbene assaie
e tu nun pienze a mme.

Guardame 'nfaccia e vvide
comme songo arredutto
sicco peliento e brutto,
nennella mia pe' tte!
Cusuto affilo duppio
co' tte me vedarraie
Io te voglio bbene assaie
e tu nun pienze a mme.

Quanno so' fatto cennere
tanno me chiagnarraie
sempe addimannarraje:
"Nennillo mio addo' sta?"
la fossa mia tu arape
e llà me truvarraie:
Io te voglio bbene assaie
e tu nun pienze a mme!

Στίχοι: Raffaele Sacco.

Μουσική: Gaetano Donizetti.

Τραγούδι του 1835.

ΤΡΑΓΟΥΔΑΕΙ Ο ΡΟΜΠΕΡΤΟ ΜΟΥΡΟΛΟ

Ανάρτησή μου στο γιουτιούμπ

 

ΤΡΑΓΟΥΔΑΕΙ Ο ROBERTO MUROLO: SARRÀ QUI SÀ

ΤΡΑΓΟΥΔΑΕΙ Ο ΡΟΜΠΕΡΤΟ ΜΟΥΡΟΛΟ

Ανάρτησή μου στο γιουτιούμπ

ΤΡΑΓΟΥΔΑΕΙ Ο ROBERTO MUROLO


'NU QUARTO 'E LUNA

Cielo, e che nuvole stasera
pare ca 'o munno se nne more
ma 'na speranza pe' stu core
nun po' muri'.
Nun ce vo' na luna chiena
pe' ssape' si me vuo' bene
m'è abbastato 'o ppoco 'e luna
pe' tte capi'.
Che m'ha saputo fa nu quarto 'e luna,
che m'ha saputo fa' chi voglio bene.
E me turmenta sempe nu pensiero,
nunn'è 'o vero ca pienze sulo a me.
Comme so' triste 'e note 'e sta canzone,
e comm'è amaro 'o bbene 'e chi vuo' bbene.
Nun me guarda', si chiagno nun guarda'.
Che m'ha saputo fa' 'nu quarto 'e luna!
Chiagno pecchè tu m'e 'ngannato,
e no pecchè t'aggio perduta,
chiagno ca tu m'e abbannunato
senza pecchè.
Quanta vote anima mia
faccio 'a strata ca tu faie
corro appriesso a 'na bucia
pe 'tte vede.
Che m'ha saputo fa nu quarto 'e luna,
che m'ha saputo fa' chi voglio bene.
E me turmenta sempe nu pensiero,
nunn'è 'o vero ca pienze sulo a me.
Comme so' triste 'e note 'e sta canzone,
e comm'è amaro 'o bbene 'e chi vuo' bbene.
Nun me guarda', si chiagno nun guarda'.
Che m'ha saputo fa' 'nu quarto 'e luna!

ΤΡΑΓΟΥΔΑΕΙ Ο ΡΟΜΠΕΡΤΟ ΜΟΥΡΟΛΟ

Ανάρτησή μου στο γιουτιούμπ

ΤΡΑΓΟΥΔΑΕΙ Ο ROBERTO MUROLO


TE SI SCURDATA 'E NAPULE

Na sera, oje bionda, te purtaje stu mare,
p' 'a primma vota, a Napule, d'està.
Stive cu mico a prora e ll'uocchie chiare,
p' 'o golfo se 'ncantavano
pe' ddó', allummata, accumpareva Napule
e quacche voce se senteva già.

E Ammore, Ammore.
Bionda, capiste, e te capette i' pure
quanno, cu 'e mmane 'mmano,
tu cu 'o Ffrancese e i' cu 'o Nnapulitano,
t'annammuraste 'e Napule,
t'annammuraste 'e me.

Rose d' 'o Munasterio 'e San Martino.
Loggia ca 'ncielo fravecata sta,
nuje ce affacciajemo mentre, a matutino,
'e cchiese già sunavano
e nuvole 'e calore se sperdevano,
e se scetava Napule d'està.

E Ammore, Ammore.
Tremmaje stu core tujo 'ncopp'a stu core.
E quanno, 'a ll'onne chiare,
vediste 'o sole ca spuntava a mare,
tu te vasaste Napule,
tu te vasaste a me.

E comme, comme, doppo tant'ammore
tu t'hê pututo 'e Napule scurdà?
Tu, si ê vvote parteva nu vapore,
te ne facive lacreme
'ncopp'a stu core e, quanno te screvevano,
te n'aggio visto lettere 'e straccià.

E Ammore, Ammore.
Na sera, 'e bello, i' te dicette: "E' overo
ca te ne vaje dimane?"
Tu mme 'nfunniste 'e lacreme sti mmane
e abbandunaste Napule,
abbandunaste a me.

Στίχοι: Ernesto Murolo.

Μουσική: Evemero Nardella.

Τραγούδι του 1912.

ΤΡΑΓΟΥΔΑΕΙ Ο ΡΟΜΠΕΡΤΟ ΜΟΥΡΟΛΟ

Ανάρτησή μου στο γιουτιούμπ

ΤΡΑΓΟΥΔΑΕΙ Ο ROBERTO MUROLO

CHELLA LLÀ

St'ammore mme teneva 'ncatenato,

ma ho detto: "Basta!" e mme só' liberato...

Mme pare cchiù turchino 'o cielo,

mme pare cchiù lucente 'o mare...

e 'o core canta p''a felicità!

Chella llà, chella llà...

mo va dicenno ca mme vò' lassà...

Se crede ca mme faccio 'o sango amaro,

se crede ca 'mpazzisco e po' mme sparo!

Chella llà, chella llà...

Nun sape che piacere ca mme fa...

Mme ne piglio n'ata cchiù bella

e zetèlla restarrà...

Chella llà, chella llà, chella llà!

Ajere, mm'ha mannato nu biglietto

p''a figlia d''o purtiere dirimpetto.

Mme scrive ca nun è felice

e ca vurría, cu me, fà pace...

ma io mme stó' gustanno 'a libbertà!

Chella llà, chella llà...

mo va dicenno ca mme vò' lassà...

Se crede ca mme faccio 'o sango amaro,

se crede ca 'mpazzisco e po' mme sparo!

Chella llà, chella llà...

Nun sape che piacere ca mme fa...

Mme ne piglio n'ata cchiù bella

e zetèlla restarrà...

Chella llà, chella llà, chella llà!

Στίχοι: Umberto Bertini.

Μουσική: Sandro Taccani.

ΤΡΑΓΟΥΔΑΕΙ Ο ΡΟΜΠΕΡΤΟ ΜΟΥΡΟΛΟ

Ανάρτησή μου στο γιουτιούμπ

ΤΡΑΓΟΥΔΑΕΙ Ο ROBERTO MUROLO

'NA VOCE, 'NA CHITARRA E 'O POCO 'E LUNA

'Na voce, 'na chitarra e 'o poco 'e luna
e che vvo cchiu pe fà 'na serenata
pe suspirà d'ammore chiano chiano
parole doce e 'nnamurate
te voglio bene, tanto tanto bene
luntana 'e te nun pozzu cchiu campà.
'Na voce, 'na chitarra e 'o poco 'e luna
e comm'è doce chesta serenata
a vocca toia s'accosta cchiu vicina
e tu te strigne a mme cchiu appassionato
cu 'na chitarra e nu filille 'e voce
cu te vicine canto e so felice
ammore nun pozzu cchiu scurdarme 'e te.
Te voglio bene, tanto tanto bene
luntana 'e te nun pozzu cchiu campà.
'Na voce, 'na chitarra e 'o poco 'e luna
e comm'è doce chesta serenata
a vocca toia s'accosta cchiu vicina
e tu te strigne a mme cchiu appassionato
cu 'na chitarra e nu filille 'e voce
cu te vicine canto e so felice
ammore nun pozzu cchiu scurdarme 'e te.

Στίχοι: Ugo Calise.

Μουσική: Carlo Alberto Rossi.

ΤΡΑΓΟΥΔΑΕΙ Ο ΡΟΜΠΕΡΤΟ ΜΟΥΡΟΛΟ

Ανάρτησή μου στο γιουτιούμπ

ΤΡΑΓΟΥΔΑΕΙ Ο ROBERTO MUROLO

L’ITALIA È BBELLA

Addo' si' nnata tu, 'a sera
'o cielo e' rosa
e ll'acqua e' comm"e ll'oro,
e' preziosa
e a sabbia
nfonne tutt"e ccose;

Addo' si nnata tu,
'o sole abbrucia 'a pelle
e a notte
cchiu' vicine
songh"e stelle
e ce ne stanno
a mmille a mmille

Ah, tu ca sunnave
'e te' fa accumpagna'
d"o viento
penzaste: che ffortuna,
'a vita in Occidente!
e cchesto e' assaje
pe' cchi nun tene niente

Quanta criature
arrivano a luntano
pe' vede' 'e crescere
stu ggrano

Ah', ll'Italia e' bella
pe' cchi tene
'a faccia nera!
ma areto 'a 'sta ricchezza
sapisse che amarezza,
e te ne accuorge'
quanno scenne a sera.
e ppienze 'o cielo
tuojo ch'e' rosa
e a lune gia' sta' lla'
mentre n'airone se ne va'

Addo' tu si' vvenuta
e' tutto n'atu munno
e nun e' comme
te pareva 'nzuonno
e mmo' ca o tiempo
sta cagnanno

Addo' tu si' vvenuta
quacche sera chiove,
e nun e' doce
chello ca se' prova
penzanno a cchesta
vita nova

Ah', ll'Italia e' bella
pe' cchi tene 'a faccia nera
ma areto 'a 'sta ricchezza
sapisse che amarezza,
e te ne accuorge'
quanno scenne a sera
e ppienze 'o cielo
tuojo ch'e' rosa
e a lune gia' sta' lla'
mentre n'airone se ne va'

E ppienze
'o cielo tuojo ch'e' rosa
e a lune gia' sta' lla'
mentre n'airone se ne va

Στίχοι και μουσική: Roberto Murolo και Carlo Faiello.

ΤΡΑΓΟΥΔΑΕΙ Ο ΡΟΜΠΕΡΤΟ ΜΟΥΡΟΛΟ

Ανάρτησή μου στο γιουτιούμπ

ΤΡΑΓΟΥΔΑΕΙ Ο ROBERTO MUROLO


'A CANZONE D''A FELICITÀ

Na bella luggetella a Marechiaro,
cu 'a tènna e 'a luce elettrica p''a sera;
Teresenella cu 'e bbraccelle 'a fora,
s'abbraccia 'nu palummo e guarda a mmare...
e, a ll'aria fresca 'e 'nu tramonto d'oro,
na voce 'nterr''a rena ca suspira:

". . . Glù-glù-glù
comm''o palummo io só'
e 'a notte, 'mbracci'a mme,
'na turturella si'..."
Canta! Canta!
Canta chi vò' cantá...
Chest'è 'a canzone d''a felicitá.


Nu juorno, nu vicchiotto cu 'e denare,
cercaje Teresenella pe' mugliera...
Dicette 'a mamma d'essa: "Quant'onore..."
E 'o pate, 'a copp''a mano: "Che piacere!..."
Ma 'e notte, se sentette dint''o scuro,
cchiù ddoce, 'a stessa voce, 'mmiez' 'o mare:

". . . Glù-glù-glù
comm''o palummo io só'
e tu, abbracciata a mme,
'na turturella si'..."
Canta! Canta!
Canta chi vò' cantá...
Chest'è 'a canzone d''a felicitá.



'A sera d''a parola...Ammore! Ammore!
'a sposa scumparette...e bonasera!
Sudava friddo 'o viecchio e, p''a tintura,
s'era 'nguacchiata 'a faccia nera nera!...
E pe' Surriento, sott''a luna chiara,
felice, suspiravano duje core:

". . . Glù-glù-glù
comm''o palummo io só'
e 'a notte, 'mbracci'a mme,
'na turturella si'..."
Canta! Canta!
Canta chi vò' cantá...
Chest'è 'a canzone d''a felicitá.



Στίχοι: Ernesto E. Murolo.
Μουσική: Ernesto Tagliaferri.
Τραγούδι του 1930.

ΤΡΑΓΟΥΔΑΕΙ Ο ΡΟΜΠΕΡΤΟ ΜΟΥΡΟΛΟ

Ανάρτησή μου στο γιουτιούμπ

ΤΡΑΓΟΥΔΑΕΙ Ο ROBERTO MUROLO

'A SONNAMBULA

Carmela è na bambola,
e fa 'ammore cu me...
Ma 'a mamma è terribile:
Nun mm' 'a vò' fá vedé...

Allora aggio truvato
nu bellu ritrovato:
Carmela fa 'a sunnambula
pe' mme vení a truvá...
E fa scema a mammá!

E cu 'a scusa ch'è na sunnambula,
chesta bambola, nèh, che fa?
Tutt' 'e ssere, pe' copp'a ll'ásteco,
vène a ll'ùnnece a passiggiá...

'Ncopp'a ll'ásteco ce stóngh'io
e lle dico: "Stó' ccá pe' te..."
E 'a sunnambula,
ch'è na bambola...
fa 'a sunnambula
'mbracci'a me!

'O pate, 'On Arcangelo,
pe' dispietto nun vò'...
Lle sóngo antipatico
e mm'ha ditto ca no...

Ma a me che mme ne 'mporta?
Io tengo aperta 'a porta...
Carmela, comm''o ssolito,
mme vène a cunzulá...
E fa scemo a papá!!

E cu 'a scusa ch'è na sunnambula,
chesta bambola, nèh, che fa?
Tutt' 'e ssere, pe' copp'a ll'ásteco,
vène a ll'ùnnece a passiggiá...

'Ncopp'a ll'ásteco ce stóngh'io
e lle dico: "Stó' ccá pe' te..."
E 'a sunnambula,
ch'è na bambola...
fa 'a sunnambula
'mbracci'a me!

'Ncopp'a ll'ásteco ce stóngh'io
e lle dico: "Stó' ccá pe' te..."
E 'a sunnambula,
ch'è na bambola...
fa 'a sunnambula
'mbracci'a me!

E 'a sunnambula,
ch'è na bambola...
fa 'a sunnambula
'mbracci'a me!

Στίχοι: Gigi Pisano.

Μουσική: Eduardo Alfieri.

ΤΡΑΓΟΥΔΑΕΙ Ο ΡΟΜΠΕΡΤΟ ΜΟΥΡΟΛΟ

Ανάρτησή μου στο γιουτιούμπ

ΤΡΑΓΟΥΔΑΕΙ Ο ROBERTO MUROLO


LUNA ROSSA

Vaco distrattamente abbandunato,
l'uocchie sotto 'o cappiello annascunnute,
mane int'a sacca e bavero aizato,
vaco fiscann'a 'e stelle ca so' asciute.
E 'a luna rossa me parla 'e te...
Io le domando si aspiette a me
e me risponne: "si 'o vvuò sapè...
cca nun ce sta nisciuna!"
E io chiammo 'o nomme pe te vedè,
ma tutt'a gente ca parla 'e te
risponne: "è tarde, che vvuò sapè!?
Cca nun ce sta nisciuna!"
Luna rossa... chi me sarrà sincera?
Luna rossa... se n'è gghiuta ll'ata sera senza me vedè!
E io dico ancora ca aspetta a me
fore 'o balcone stanotte 'e tre
e prega 'e sante pe me vedè
...ma nun ce sta nisciuna!
E io chiammo 'o nomme pe te vedè
ma tutta 'a gente ca parla 'e te
risponne: "è tarde, che vvuò sapè!?
Cca nun ce sta nisciuna!"
E 'a luna rossa me parla 'e te...
io le domando si aspiette a me
e me risponne: "si 'o vvuò sapè...
cca nun ce sta nisciuna!"
Cca nun ce sta nisciuna!
Cca nun ce sta nisciuna!



Στίχοι: Vincenzo de Crescenzo.
Μουσική: Antonio Vian.
Τραγούδι του 1950.

ΤΡΑΓΟΥΔΑΕΙ Ο ΡΟΜΠΕΡΤΟ ΜΟΥΡΟΛΟ

Ανάρτησή μου στο γιουτιούμπ

ΤΡΑΓΟΥΔΑΕΙ Ο ROBERTO MUROLO


SERENATELLA A 'NA CUMPAGNA 'E SCOLA

Serenatella a 'na cumpagna 'e scola
ca se chiammava...
'o nomme no, nun mm' 'o ricordo.
Tropp'anne só' passate, 'o tiempo vola
e mo só' tante ca mme stanco d' 'e ccuntà.
Ma, comme fosse ajere,
a me mme pare d' 'a vedé
a 'o stesso banco, proprio a fianco a me.

Serenatella a na cumpagna 'e scola
ca si 'a guardavo, già tremmavo comm' a che.

Vita, vita sbagliata,
ch'aggiu perduto,
ch'aggiu lassato.
Ma che ce penzo a fà?
Va' trova, mo, addó' sta
chella felicità
ca mme puteva accumpagnà.

Cchiù tiempo passa
e cchiù mme vène a mente
e, cchiù 'e na vota,
sento 'a voce ca mme dice:
"Comm'è che allora nun capiste niente?
Io te vulevo tantu bene, cride a me".
"E i' pure" lle risponno "te vulevo bene a te,
pecché nun ce capèttemo, pecché?"

Cchiù tiempo passa
e cchiù mme vène a mente,
ma 'o nomme...
niente, nun mm' 'o pòzzo arricurdà.


Vita, vita sbagliata,
.........................

Serenatella a na cumpagna 'e scola
ca, mme ricordo, se chiammava: "Giuventù".

ΤΡΑΓΟΥΔΑΕΙ Ο ΡΟΜΠΕΡΤΟ ΜΟΥΡΟΛΟ

Ανάρτησή μου στο γιουτιούμπ

ΤΡΑΓΟΥΔΑΕΙ Ο ROBERTO MUROLO: FRAVULA FRÀ


Μουσική: Giuseppe Cioffi.
Στίχοι: Gigi Pisano.
Τραγούδι του 1948.

ΤΡΑΓΟΥΔΑΕΙ Ο ΡΟΜΠΕΡΤΟ ΜΟΥΡΟΛΟ

Ανάρτησή μου στο γιουτιούμπ

ΤΡΑΓΟΥΔΑΕΙ Ο ROBERTO MUROLO


IO, ’NA CHITARRA E ’A LUNA

Vatténne core mio, vatténne sulo
p' 'e vvie sulagne.
Chisá, te cagne mo ca si' figliulo,
chisá, te cagne.

E, giá ca tu si' nato cantatore,
va' e canta si staje triste o 'e buonumore.

Canta pe' te.
Canta pe' te
e nun chiammá a nisciuna,
tu, na chitarra e 'a luna.

E nun te fá vení 'a malincunía
p' 'e vvie ca sanno
chi, pe' 'nganná, veneva 'ncumpagnia
cu'mmé cantanno.

E, si mme tremma, 'ncopp' 'e ccorde, 'a mano
siéguete a cammená. Va' cchiù luntano.

Canta pe' te.
Canta pe' te
senza penzá a nisciuna,
tu, na chitarra e 'a luna.

E si truove a quaccuno e dice: "E comme,
tu sulo? E chélla?"
E si te dice 'e chélla pure 'o nomme,
tu, scordatélla.

E si chistu quaccuno fosse 'Ammore
cágnate nomme e di': "State in errore.

Canto pe' me.
Canto pe' me,
nun voglio cchiù a nisciuna,
io, na chitarra e 'a luna".


Στίχοι & μουσική: E.A. Mario
1913.

ΤΡΑΓΟΥΔΑΕΙ Ο ΡΟΜΠΕΡΤΟ ΜΟΥΡΟΛΟ

Ανάρτησή μου στο γιουτιούμπ

ΤΡΑΓΟΥΔΑΕΙ Ο ROBERTO MUROLO


SERENATA A MARGELLINA

'Ncopp'a ll'onne do mare 'sta luna
nu merletto d'argiento mo fa...
na chitarra, na voce luntana,
nonna nonna mme stanno a cantá...
E na vocca ca more 'e passione,
doce,'nzuonno, mme vène a vasá...

Margellina,
Margellina...
dint'a 'sta varca
famme sunná...
vocame vocame
nun mme scetá

Doce doce mme portano ll'onne
addó' tutto mme pòzzo scurdá...
Mentre mamma ca veglia stu suonno,
na cuperta cu 'e stelle mme fa...
e na mana da 'o cielo mme stenne
ca sti llacreme vène a asciuttá...

Margellina,
Margellina...
dint'a 'sta varca
famme sunná...
vocame vocame
nun mme scetá



Στίχοι: Umberto Martucci.
Μουσική: Salvatore Mazzocco.

ΤΡΑΓΟΥΔΑΕΙ Ο ΡΟΜΠΕΡΤΟ ΜΟΥΡΟΛΟ

ΤΡΑΓΟΥΔΑΕΙ Ο ROBERTO MUROLO: FUNTANA ALL'OMBRA

ΤΡΑΓΟΥΔΑΕΙ Ο ΡΟΜΠΕΡΤΟ ΜΟΥΡΟΛΟ

Ανάρτησή μου στο γιουτιούμπ

ΤΡΑΓΟΥΔΑΕΙ Ο ROBERTO MUROLO


T’È PIACIUTA

T'dopo i confetti,
só' asciute 'e difetti...
Caro Giovanni,
mo che ce vuó' fa?
Se riflettevi,
se bene puntavi,
tutte sti guaje
nun stive a passá!

Mo chiagne e te dispiere
e haje voglia d'alluccá:
Ccá nun ce sta 'o divorzio
e tu te ll'hê 'a zucá...

T'è piaciuta?...
T'è piaciuta?...
Tienatella cara cara!
T''a purtaste sull'altare,
sott''o braccio, 'nziem'a te...
Mo te veco afflitto e stanco:
"Sù, coraggio...gué Giuvá'!
Se il mellone è uscito bianco,
tu cu chi t''a vuó' pigliá?!"

Ma che sei matto?
Non dormi nel letto!
Dint''a pultrona
tu dormi perché...
Dice che 'a notte,
la sposa è più brutta:
Na capa 'e morte
te pare 'e vedé!

'A dote ch'ha purtato,
nemmeno cchiù ce sta...
Te ll'hê pigliata brutta
e niente sape fá!

T'è piaciuta?
T'è piaciuta?
Tienatella cara cara!
T''a purtaste sull'altare,
sott''o braccio, 'nziem'a te...
Mo te veco afflitto e stanco:
"Sù, coraggio...gué Giuvá'!
Se il mellone è uscito bianco,
tu cu chi t''a vuó' pigliá?!"



Μουσική: Furio Rendine.
Στίχοι: Vincenzo Capillo.

ΤΡΑΓΟΥΔΑΕΙ Ο ΡΟΜΠΕΡΤΟ ΜΟΥΡΟΛΟ

Ανάρτησή μου στο γιουτιούμπ

ΤΡΑΓΟΥΔΑΕΙ Ο ROBERTO MUROLO


SILENZIO CANTATORE

Zitta,
stanotte, nun dicere niente,
cademe 'mbraccia, ma senza parlà...
Dòrmeno 'e ccose nu suonno lucente...
nu suonno 'e 'na notte d'està:

Marì
dint'o silenzio
- silenzio cantatore -
nun te dico parole d'ammore,
ma t'e' ddice 'stu mare pe' me!...

Dimme:
stanotte si' tutta d''a mia?
Ll'uocchie tuoie belle me diceno 'e sì...
No, cu 'sta luna, nisciuna buscia
'sta vocca busciarda po' di!...

Marì
dint''o silenzio,
- silenzio cantatore -
nun te dico parole d'ammore
ma t'e' ddice 'stu cielo pe' me!...

Marì
dint''o silenzio,
- silenzio cantatore -
nun te dico parole d'ammore
ma t'e' ddice 'o silenzio pe' me!...



Μουσική: Gaetano Lama.
Στίχοι: Libero Bovio.

ΤΡΑΓΟΥΔΑΕΙ Ο ΡΟΜΠΕΡΤΟ ΜΟΥΡΟΛΟ

Ανάρτησή μου στο γιουτιούμπ

ΤΡΑΓΟΥΔΑΕΙ Ο ROBERTO MUROLO


ACCAREZZAME

Stasera, core e core 'mmiez'ô ggrano
addó' ce vede sulamente 'a luna,
i' cchiù t'astrégno e cchiù te faje vicino,
i' cchiù te vaso e cchiù te faje vasá.
Te vaso e 'o riturnello 'e na canzone,
tra ll'arbere 'e cerase vola e va.

Accarézzame!
Sento 'a fronte ca mme brucia.
Ma pecché nun mme dá pace
stu desiderio 'e te.

Accarézzame!
Cu sti mmane vellutate
faje scurdá tutt' 'e peccate.
Strígneme 'mbracci'a te!...

Sott'a stu cielo trapuntato 'e stelle,
mme faje sentí sti ddete 'int' 'e capille.
Voglio sunná guardanno st'uocchie belle.
Voglio sunná cu te!

Accarézzame!
Sento 'a fronte ca mme brucia.
Ma pecché nun mme dá pace
stu desiderio 'e te.

Sott' a stu cielo trapuntato 'e stelle,
mme faje sentí sti ddete 'int' 'e capille.
Voglio sunná guardanno st' uocchie belle.
Voglio sunná cu te!

Accarézzame!
Sento 'a fronte ca mme brucia...
Ma pecché nun mme dá pace
stu desiderio 'e te?



Στίχοι: Nisa.
Μουσική: Pino Calvi.
Τραγούδι του 1954.