ΤΡΑΓΟΥΔΑΕΙ ΤΟ ΑΗΔΟΝΙ ΤΗΣ ΝΑΠΟΛΗΣ: Ο ΡΟΜΠΕΡΤΟ ΜΟΥΡΟΛΟ!

ΤΡΑΓΟΥΔΑΕΙ Ο ROBERTO MUROLO


ANIELLO CALIFANO

’O SURDATO ’NNAMMURATO

Staje luntana da stu core,
a te volo cu 'o penziero:
niente voglio e niente spero
ca tenerte sempe a fianco a me!
Si' sicura 'e chist'ammore
comm'i' só' sicuro 'e te...
Oje vita, oje vita mia...
oje core 'e chistu core...
si' stata 'o primmo ammore...
e 'o primmo e ll'ùrdemo sarraje pe' me!

Quanta notte nun te veco,
nun te sento 'int'a sti bbracce,
nun te vaso chesta faccia,
nun t'astregno forte 'mbraccio a me?!
Ma, scetánnome 'a sti suonne,
mme faje chiagnere pe' te...
Oje vita, oje vita mia...
oje core 'e chistu core...
si' stata 'o primmo ammore...
e 'o primmo e ll'ùrdemo sarraje pe' me!

Scrive sempe e sta' cuntenta:
io nun penzo che a te sola...
Nu penziero mme cunzola,
ca tu pienze sulamente a me...
'A cchiù bella 'e tutt''e bbelle,
nun è maje cchiù bella 'e te!
Oje vita, oje vita mia...
oje core 'e chistu core...
si' stata 'o primmo ammore...
e 'o primmo e ll'ùrdemo sarraje pe' me!


Στίχοι: Aniello Califano.
Μουσική: Enrico Cannio.
Παίζει η Ορχήστρα του Renato Carosone.